Google ADS

Regjistrohet java më e nxehtë në Belgjikë

16:31 | 13 Gusht 2020
Arbresh.info

Belgjika ka përjetuar javën më të nxehtë në historinë e saj meteorologjike, njoftoi sot raportuesi më i famshëm i motit në këtë vend, David Dehenauw, transmeton Anadolu Agency (AA).

Ka qenë “java më e ngrohtë që nga viti 1883” me një temperaturë mesatare maksimale prej 33,5 gradë celsius (92,3 Fahrenheit) e regjistruar midis 6 dhe 12 gushtit nga stacioni vëzhgues mbretëror në Uccle, shpjegoi kreu i parashikimit të motit në Institutin Meteorologjik Mbretëror në një postim në Twitter.

Rekordi i ri u tejkalua me 0,1 gradë celsius më shumë se temperatura maksimale javore e mëparshme nga viti 1976.

Së bashku me pjesën tjetër të Evropës Perëndimore, Belgjika ka qenë duke përjetuar valë të nxehtë që nga 4 gushti. Deri para disa kohësh, Belgjika ka qenë e njohur për klimën e saj oqeanike me verë të freskët.

Përfshirë këtë verë aktuale, vetëm 41 valë nxehtësie kanë goditur vendin që nga viti 1901, nga të cilat dhjetë ndodhën në dekadën e kaluar për shkak të ndryshimit të klimës.

Shpërndaje në rrjete sociale

Lajmet më të lexuara

Të ngjashme

Foto lajm